राज्यातील ST कर्मचाऱ्यांना आपल्या नादाला लाऊन त्याचं नुकसान करणाऱ्या ॲड. गुणरत्न सदावर्तेचा आजचा ST बंदचा प्रयोग फसला असल्याचे दिसत आहे. तर राज्यातील ST वाहतूक सुरळीत सुरु असल्याचे दिसत आहे. नोव्हेंबर 2021 मध्ये सुद्धा दिवाळीच्या संप पुकारून कर्मचाऱ्यांचे जनतेचे मोठे नुकसान केले होते. तर आज पुन्हा ॲड. गुणरत्न सदावर्ते यांच्या एसटी कष्टकरी जनसंघाकडून ६ नोव्हेंबरपासून एसटी संपाची हाक दिली. परंतु त्यांच्या या हाकेला एसटी कर्मचाऱ्यांनी प्रतिसाद दिलेला दिसत नाही. राज्यातील सर्वच विभागात एसटीची सेवा सुरळीत सुरु आहे. यामुळे सदावर्ते यांनी पुकारलेला संप फसला का? असा प्रश्न उपस्थित होत आहे.
दुसरीकडे राज्य शासनाकडून या संपाच्या हाकेनंतर पावले उचलली गेली आहे. राज्य शासनाने आंदोलनाच्या इशाऱ्यानंतर गुणरत्न सदावर्ते यांच्यासोबत बैठक बोलवली आहे. त्यात एसटी कर्मचाऱ्यांच्या विविध मागण्यांवर चर्चा करण्यात येणार आहे.
गुणरत्न सदावर्तेंच्या एसटी कष्टकरी जनसंघाकडून सोमवार दि. ६ नोव्हेंबरपासून अनेक मागण्यांसाठी एसटी महामंडळात काम बंद आंदोलन करण्याचा इशारा दिला होता. त्यांच्या या इशाऱ्यानंतरही कामबंद आंदोलनाला एसटी कर्मचाऱ्यांनी प्रतिसाद दिलेला दिसत नाही. राज्यात सर्वत्र एसटीची वाहतूक सुरळीत सुरु आहे. मोडकळीस आलेल्या गाड्या, सातवा वेतन आयोग लागू करणे, शिस्त आवेदन पद्धत रद्द करणे, दिवाळी बोनस आणि वाढीव महागाई भत्ता देणे हे प्रमुख मुद्यांसाठी काम बंद पुकारले होते.
एसटी कष्टकरी जनसंघाकडून आंदोलनाच्या इशाऱ्यानंतर राज्य सरकारने पावले उचलली आहे. सरकारने गुणरत्न सदावर्ते यांच्यासोबत बैठक बोलवली आहे. या बैठकीत एसटी कर्मचाऱ्यांच्या मागण्यांवर चर्चा करण्यात येणार आहे. ऐन दिवाळीत प्रवाशांना फटका बसू नये यासाठी सरकारकडून मंत्री उदय सामंत यांच्या निवासस्थानी बैठक बोलवण्यात आली आहे. दरम्यान, आमदार गोपीचंद पडळकर यांच्या सेवाशक्ती संघटनेकडून देखील आमरण उपोषणाचा इशारा देण्यात आला आहे.
