Hamas Leader Killed : इस्रायलच्या हवाई हल्ल्यात हमास या दहशतवादी संघटनेचा आणखी एक कमांडर मारला गेला आहे. बिलाल-अल-केद्रा असे त्याचे नाव आहे. बिलाल अल-केद्रा हा हमासच्या नुखबा फोर्सचा कमांडर होता. नुखबा फोर्स हे हमासच्या नौदलाचे विशेष दल आहे.
इस्रायली हवाई दलाने एक निवेदन जारी करून म्हटले आहे की त्यांना बिलाल अल-केद्रा दक्षिण गाझा पट्टीतील खान युनिस परिसरात असल्याची गुप्तचर माहिती मिळाली होती. इस्रायली हवाई दलाने सांगितले की, गुप्तचर माहितीच्या आधारे हवाई हल्ला करण्यात आला, ज्यामध्ये बिलाल अल-केद्रा ठार झाला. या हल्ल्यात हमासचे इतर अनेक दहशतवादीही मारले गेल्याचा दावा इस्रायली हवाई दलाने केला आहे. इस्रायलच्या हवाई दलाने या हल्ल्याचा व्हिडिओही जारी केला आहे.
इस्रायली वायुसेनेने गाझा पट्टीतील खान युनिस, जेतुन आणि जबलिया पश्चिम भागातील 100 हून अधिक लष्करी लक्ष्यांवर हल्ले केले. यादरम्यान हमास कमांड सेंटर आणि लष्करी तळांना लक्ष्य करण्यात आले. या हल्ल्यात अनेक टँकविरोधी क्षेपणास्त्रे आणि हमासच्या क्षेपणास्त्र हल्ल्यांचे लॉन्च पॅड उद्ध्वस्त झाले.
इस्रायलने म्हटले की, यापूर्वी हमासच्या दहशतवाद्यांनी इस्रायलमध्ये रक्तपात घडवला होता, तेव्हा किबुत्झ निरीममधील रानटी हिंसाचारामागे बिलाल अल-केद्राचा हात होता. यापूर्वी हमासचे हवाई दल प्रमुख मुराद अबू मुराद हेही इस्रायलच्या हवाई दलाच्या हल्ल्यात मारले गेले होते.
As part of the extensive IDF strikes of senior operatives and terror infrastructure in the Gaza Strip, the IDF and ISA killed the Nukhba commander of the forces in southern Khan Yunis, who was responsible for the Kibbutz Nirim massacre pic.twitter.com/7QJE1LWQXf
— Israeli Air Force (@IAFsite) October 15, 2023
इस्रायली लष्कराने उत्तर गाझा रिकामा करण्याचा अल्टिमेटम दिला आहे. आता इस्रायलने उत्तर गाझामधील लष्करी कारवाई थांबवली असून लोकांना हा परिसर रिकामा करण्यासाठी तीन तासांचा अवधी दिला आहे, अशी बातमी मीडिया रिपोर्ट्समधून येत आहे. इस्रायली लष्कराने उत्तर गाझामध्ये राहणाऱ्या लोकांना दक्षिण गाझामध्ये जाण्यास सांगितले आहे.
