न्यूज डेस्क – गुजरातमध्ये रविवारी रात्री एका मद्यधुंद महिलेने वडोदराच्या रस्त्यावर धिंगाणा घातल्याचा व्हिडीओ सध्या सोशल मिडीयावर व्हायरल होत आहे. महिला दारूच्या नशेत गाडी चालवत होती तेव्हा तिची कार दुसऱ्या वाहनाला धडकली. पोलिसांशी सामना केला असता, तिने अटकेला विरोध करण्यावरून वाद घालण्यास सुरुवात केली.
सोशल मीडियावर शेअर झालेल्या या घटनेच्या व्हिडिओमध्ये ही महिला पोलिसांना शिवीगाळ करताना दिसत आहे. ती महिला अनेक पोलिसांवर हल्ला करतानाही दिसते. महिला पोलिसाने तिला रोखण्याचा खूप प्रयत्न केला. महिलेवर नियंत्रण ठेवण्यासाठी अतिरिक्त महिला पोलीस कर्मचाऱ्यांना पाचारण करण्यात आले. दरम्यान, तेथे उपस्थित अनेकांनी ही घटना आपल्या मोबाईलमध्ये कैद केली.
काही काळ हे नाट्य सुरू राहिल्यानंतर अखेर महिला पोलिसांनी तिला पोलिस जीपमध्ये बसवून तिला घेऊन गेले. मद्यप्राशन करून गाडी चालवणे, गोंधळ घालणे आणि सरकारी कर्मचाऱ्याला कर्तव्य बजावण्यापासून रोखणे या प्रकरणी महिलेविरुद्ध गुन्हा दाखल करण्यात आला आहे. अनेक युजर्सनी या महिलेची ओळख फेम नेल आर्टिस्ट म्हणून केली आहे. विशेष म्हणजे, राज्यात दारूबंदी असतानाही गुजरातमध्ये अवैधरित्या दारूची विक्री आणि सेवन केले जात आहे.
