काल दि.१८/०७/२०२३ रोजी दर्यापूर तालुक्यात अति मुसळधार पाऊस पडल्याने शहरातील जनजीवन विस्कळीत झाले आहे. या पावसामुळे दर्यापूर मधील सांगळूदकर नगर मध्ये पावसाचे पाण्याने मोठ्या प्रमाणात साचल्याने नागरिकांची ये-जा करण्यात मोठी कसरत होत आहे. तर या मार्गावरून शाळकरी विद्यार्थ्यांना व नागरिकांना पायी सुद्धा चालता येत नाही.
येथील नागरिकांच्या म्हणण्यानुसार, येथील परिसर हा पावसाळाभर पावसाच्या पाण्याने साचलेला असतो, तरी या अति गंभीर बाबीकडे लोकप्रतिनिधी व पालिका प्रशासन लक्ष देत नसल्याचा संताप नागरिकांकडून व्यक्त होत आहे. केवळ मताची मागण्यासाठी पुढारी आमच्या दारात येत असल्याचा आरोप येथील रहिवाशांनी केला आहे.
