न्युज डेस्क – धुम्रपान करणे हे शरीरासाठी घातक असून सुद्धा लोक धुम्रपान करतात, तर काही लोकांचा असा विश्वास आहे की धूम्रपान केल्याने आवाज भारदस्त होतो. त्यासाठी ते सिगारेट, बिडी ओढू लागतात. पण ही अशी एक अफवा आहे, जी आवाजासाठी खूप हानिकारक ठरू शकते.
धूम्रपान ही एक वाईट सवय आहे जी दीर्घकाळात तुमच्या व्होकल कॉर्डला नुकसान पोहोचवू शकते. नॅशनल इन्स्टिट्यूट ऑन डेफनेस अँड अदर कम्युनिकेशन डिसऑर्डर (एनआयडीसीडी) नुसार, धुम्रपान हा स्वराचा दुरुपयोग आहे. पुणे येथील जहांगीर रुग्णालयातील पल्मोनोलॉजिस्ट डॉ. पंकल जैन यांनी सांगितले की, कोणतीही सिगारेट ही केमिकलमुक्त नसते आणि त्यामुळे व्होकल कॉर्ड्समध्ये जळजळ होऊन आवाज कमी होऊ शकतो. कर्करोगाची लक्षणे आवाज भारी होणे, आवाज कर्कशपणा, आवाज बसने, श्वास लागणे इ.येणे.
डॉ.पंकल जैन म्हणाले की, धुम्रपान केल्याने व्हॉईस बॉक्सला इतके नुकसान होते की स्वरयंत्राचा कर्करोग होऊ शकतो. हे जिभेच्या मागील बाजूस किंवा फुफ्फुसात देखील सुरू होऊ शकते. यामुळे धूम्रपान करणाऱ्यांचा मृत्यू होऊ शकतो. तुम्ही धूम्रपान करत असाल आणि वर नमूद केलेल्या काही लक्षणांमुळे तुम्हाला त्रास होत असेल, तर तुम्ही ताबडतोब डॉक्टरांकडे जावे. तो तुमची लक्षणे आणि इतिहास तपासू शकतो आणि योग्य सल्ला आणि उपचार सुरू करू शकतो.
जर तुमचा आवाज धुम्रपानामुळे कर्कश झाला असेल किंवा तुम्हाला तुमच्या घशात सूज आणि वेदना जाणवत असतील तर काही घरगुती उपायांनी तुम्हाला आराम मिळू शकतो. सर्व प्रथम, आपण धूम्रपान सोडले पाहिजे. त्यासोबत पुरेसे पाणी प्या आणि मिठाच्या पाण्याने गार्गल (गुळण्या) करा.
(अस्वीकरण: हा लेख फक्त सामान्य माहितीसाठी आहे. हे कोणत्याही प्रकारे कोणत्याही औषधाचा किंवा उपचारांचा पर्याय असू शकत नाही. अधिक तपशीलांसाठी नेहमी आपल्या डॉक्टरांचा सल्ला घ्या.)
