काँग्रेस खासदार राहुल गांधी यांनी शुक्रवारी सकाळी राष्ट्रीय राजधानी दिल्लीतील अखिल भारतीय काँग्रेस कमिटीच्या (AICC) मुख्यालयात पत्रकार परिषदेला संबोधित केले. यावेळी त्यांनी सत्ताधारी भाजपवर जोरदार हल्लाबोल केला. त्याचवेळी त्यांचा पक्ष आज महागाई आणि बेरोजगारीविरोधात देशव्यापी आंदोलन सुरु आहे. यावेळी राहुल-प्रियांका यांच्यासह अनेक खासदार काळ्या कपड्यात दिसले. काल केंद्र सरकारच्या विरोधात वृत्ती दाखवताना ते म्हणाले की, मी कोणालाही घाबरत नाही, तुम्हाला जे करायचे ते करा.
काँग्रेस महागाई आणि बेरोजगारीच्या मुद्द्यावर आक्रमक झाली आहे. देशभरात ठिकठिकाणी काँग्रेसचे कार्यकर्ते रस्त्यावर उतरले आहेत. काँग्रेसच्या निषेधादरम्यान काँग्रेस खासदार राहुल गांधी यांना ताब्यात घेण्यात आल्याचे वृत्त आहे. त्याचवेळी राष्ट्रपती भवनाकडे जाणाऱ्या काँग्रेस खासदारांना पोलिसांनी रोखले आहे.
महाराष्ट्रातही मुंबईसह प्रत्येक जिल्ह्यात काँग्रेसचे कार्यकर्ते आंदोलन करत आहेत. तर मुंबईत प्रदेशाध्यक्ष नाना पटोले, विधिमंडळ पक्ष नेते बाळासाहेब थोरात, माजी मुख्यमंत्री अशोक चव्हाण, माजी मंत्री प्रदेश कार्याध्यक्ष नसीम खान, चंद्रकांत हंडोरे , वर्षा गायकवाड, मोहन जोशी, देवानंद पवार, प्रमोद मोरे यांना पोलिसांनी ताब्यात घेतले.
प्रियंका गांधींना ताब्यात घेण्याचा प्रयत्न
सुरक्षेचा घेरा तोडून प्रियंका गांधी पुढे सरसावल्या आहेत. मात्र, पोलिसांनी त्यांना रोखले आहे. त्या रस्त्यावर बसल्या, पोलीस त्यांना ताब्यात घेण्याचा प्रयत्न करत असल्याचं सांगण्यात येत आहे, ज्याचा कार्यकर्ते विरोध करत आहेत.
प्रियांका गांधी घेतली बॅरिकेडवरून उडी
प्रियांका गांधीही काँग्रेस मुख्यालयातून बाहेर आल्या आहेत. पोलिसांनी त्यांना रोखण्यासाठी बॅरिकेड्स लावले होते, मात्र प्रियंका गांधींनी त्यांच्यावर मात केली चक्क बॅरिकेडवरून उडी घेवून रस्त्यावरच धरणे देत बसल्या आहेत.
