नांदेड – महेंद्र गायकवाड
विष्णुपुरी येथील डॉ. शंकरराव चव्हाण शासकीय रुग्णालयात गेल्या 24 तासात 24 रुग्णांचा रुग्णालयात मृत्यू झाला असून यात गंभीर बाब म्हणजे मृतांमध्ये 12 नवजात बालकांचाही समावेश आहे.
शासकीय रुग्णालयात औषधीचा तुडवडा असून औषध पुरवठा करणाऱ्या हाफकीन संस्थेकडून वेळेवर औषधी पुरवठा होत नसल्याचा आरोप डॉक्टरांनी केला आहे. सर्पदंश आणि विषबाधेमुळे 12 जणांचा मृत्यू झाल्याची प्राथमिक माहिती आहे. तर 12 नवजात बालकांचा ही या मृतामध्ये समावेश आहे.
या घटनेमुळे एकच खळबळ उडाली आहे. नांदेडच्या डॉ. शंकरराव चव्हाण शासकीय रुग्णालयात हा धक्कादायक प्रकार घडला आहे. या प्रकरणात सविस्तर चौकशी करण्याची मागणी केली जात आहे.दरम्यान आरोग्यमंत्री उद्या रुग्णालयात भेट देणार असल्याची माहिती समोर येत आहे.
